عالمی پاسپورٹ رینکنگ 2026ء: برطانیہ ٹاپ 10 میں شامل، امریکی پاسپورٹ کی پوزیشن مزید گر گئی

لندن: سال 2026ء کے لیے دنیا کے طاقتور ترین پاسپورٹس کی نئی عالمی درجہ بندی (انڈیکس) جاری کر دی گئی ہے، جس کے مطابق برطانیہ دنیا کے 10 طاقتور ترین ممالک میں اپنی جگہ برقرار رکھنے میں کامیاب رہا ہے، جبکہ ماضی میں پہلے نمبر پر رہنے والا امریکا اس بار بھی ٹاپ 10 کی دوڑ سے باہر ہو گیا ہے۔

یہ سالانہ رپورٹ ‘گلوبل سٹیزن سلوشنز’ نامی ادارے کی جانب سے جاری کی گئی ہے، جو 2021ء سے باقاعدگی کے ساتھ دنیا بھر کے 197 ممالک اور خطوں کے پاسپورٹس کی قدر و منزلت کا جائزہ لے رہا ہے۔

اس انڈیکس میں کسی بھی ملک کی سفری دستاویز (پاسپورٹ) کی طاقت کا تعین محض ویزا فری انٹری پر نہیں، بلکہ تین اہم ترین عوامل کی بنیاد پر کیا جاتا ہے:

1. بہتر نقل و حرکت (Global Mobility)

2. سرمایہ کاری کے مواقع (Investment Opportunities)

3. معیارِ زندگی (Quality of Life)

سویڈن پہلے اور افغانستان آخری نمبر پر برقرار

نئی درجہ بندی کے مطابق سویڈن نے 100 میں سے 96.5 کا شاندار اسکور حاصل کر کے دنیا کے طاقتور ترین پاسپورٹ کے طور پر اپنی پہلی پوزیشن برقرار رکھی ہے۔ دوسری جانب، جنگ زدہ افغانستان 72.95 پوائنٹس کے ساتھ اس فہرست میں آخری نمبر پر موجود ہے۔

گلوبل موبلٹی فرم کی رپورٹ کے مطابق، برطانیہ کا نیلا پاسپورٹ اس سال 8ویں پوزیشن حاصل کرنے میں کامیاب رہا ہے۔ اگرچہ برطانیہ ٹاپ 10 میں شامل ہے، تاہم اس کی رینکنگ میں بتدریج کمی دیکھی گئی ہے۔ برطانیہ 2021 اور 2022 میں ساتویں جبکہ 2024 میں چھٹے نمبر پر تھا۔ رپورٹ میں واضح کیا گیا ہے کہ بریگزٹ (یورپی یونین سے علیحدگی) کے بعد پیدا ہونے والے سفری و تجارتی مسائل کے باعث برطانیہ اپنے دیگر یورپی ساتھیوں کے مقابلے میں کچھ کمزور دکھائی دے رہا ہے۔

دنیا کے ٹاپ 10 طاقتور ترین پاسپورٹ

 

رینک	ملک	اسکور / پوائنٹس
1	سویڈن	96.5
2	سوئزر لینڈ	95.2
3	فن لینڈ	—
4	جرمنی	—
5	نیدر لینڈز	—
6	ڈنمارک	—
7	آئرلینڈ	—
8	برطانیہ	—
9	ناروے	—
10	سنگاپور	—

 

 

 

 

 

 

 

 

 

 

 

 

 

 

 

 

 

 

 

 

 

 

 

رپورٹ کا سب سے حیران کن پہلو سکیورٹی اور معاشی طور پر مضبوط ملک امریکا کی مسلسل تنزلی ہے۔ امریکہ جو سال 2021ء میں اس  فہرست میں دنیا بھر میں پہلے نمبر پر براجمان تھا، اب سرمایہ کاری سفری پابندیوں اور دیگر وجوہات کی بنا پر مزید پیچھے ہٹ کر 12ویں نمبر پر پہنچ گیا ہے اور ٹاپ 10 میں جگہ بنانے میں ناکام رہا ہے۔