امریکا کا ایران سے آبنائے ہرمز میں حملے روکنے اور ٹول ٹیکس ختم کرنے کا اعلانیہ مطالبہ، سخت نتائج کی دھمکی
واشنگٹن / تہران: امریکا نے ایران سے پرزور مطالبہ کیا ہے کہ وہ آبنائے ہرمز میں بحری جہازوں پر حملے فوری بند کرنے اور وہاں سے گزرنے والے جہازوں سے ٹول ٹیکس کی وصولی ختم کرنے کا پبلک سطح پر باقاعدہ اعلان کرے۔ امریکی حکام نے انتباہ جاری کیا ہے کہ اگر ایران نے اس پر عمل نہ کیا تو اسے سنگین نتائج کا سامنا کرنا پڑ سکتا ہے۔
پاک و ہند اور عالمی میڈیا رپورٹس کے مطابق:امریکی عہدیداروں کا کہنا ہے کہ ایران کو اپنی پالیسی واشنگٹن کے مطالبات کے مطابق عوامی سطح پر واضح کرنی ہوگی بصورتِ دیگر صورتحال خراب ہو سکتی ہے۔
-
غیر ملکی خبر رساں ادارے کے مطابق، امریکی حکام نے حالیہ دنوں میں دونوں ممالک کے درمیان ہونے والی پسِ پردہ گفتگو کو مثبت اور نتیجہ خیز قرار دیا ہے۔
-
امریکی حکام نے ایک بڑا دعویٰ کرتے ہوئے کہا ہے کہ ایرانی حکام نے خود واشنگٹن کو آگاہ کیا ہے کہ بحری جہازوں پر حالیہ حملے ایرانی حکومت کے اندر موجود ایک “سخت گیر گروپ” کی کارروائیوں کا نتیجہ تھے۔