دنیا کے معمر ترین اور تاحال زندہ زمینی جانور ‘جوناتھن’ نے 194 سال کی عمر پا کر نیا عالمی ریکارڈ قائم کر دیا،

جس کے بعد گنیز ورلڈ ریکارڈز نے اسے باضابطہ طور پر ایک ‘زندہ علامت’ (آئیکون) قرار دے دیا ہے۔نیا کی تاریخ کا ایک منفرد باب، ‘جوناتھن’ نامی عظیم الجثہ کچھوا، اس وقت جنوبی بحرِ اوقیانوس کے دور افتادہ جزیرے ‘سینٹ ہیلینا’ میں مقیم ہے اور اپنی طویل ترین عمر کے باعث دنیا بھر کی توجہ کا مرکز بنا ہوا ہے۔

گنیز ورلڈ ریکارڈز کی رپورٹ کے مطابق، جوناتھن کا بنیادی تعلق بحرِ ہند میں مشرقی افریقہ کے قریب واقع جزائر کے مجموعے ‘سیشلز’ (Seychelles) سے ہے۔ اسی مناسبت سے اسے سیشلز کا عظیم الجثہ کچھوا بھی کہا جاتا ہے۔

تاریخی شواہد کے مطابق، جوناتھن کو 1882 میں سیشلز سے سینٹ ہیلینا منتقل کیا گیا تھا۔ جزیرے پر آمد کے وقت وہ کم از کم 50 سال کا ایک مکمل بالغ کچھوا تھا۔ محققین کے مطابق اسی بنیاد پر اس کا سالِ پیدائش زیادہ سے زیادہ 1832 تسلیم کیا جاتا ہے، تاہم ماہرین کا ماننا ہے کہ اس کی اصل عمر اس سے بھی کہیں زیادہ ہو سکتی ہے۔

• یہ بھی پڑھیں

چھاتی کے کینسر کے خلاف جنگ میں بڑی کامیابی: نئی دوا ‘ایٹکاماہ’ منظور، یو اے ای دنیا کا پہلا ملک بن گیا

سینٹ ہیلینا کے گورنر نیجل فلپس نے گنیز ورلڈ ریکارڈز سے گفتگو کرتے ہوئے کہا:

“جوناتھن ہمارے جزیرے کا نہایت محبوب رہائشی ہے۔ وہ کئی تاریخی شاہی شخصیات سے مل چکا ہے، ان گنت شادیوں کی تصاویر کا حصہ بنا ہے اور یہاں آنے والے سیاحوں کے لیے ہمیشہ خوشی کا باعث رہا ہے۔ لیکن سینٹ ہیلینا کے باسیوں کے لیے وہ صرف ایک جانور نہیں، بلکہ اس جزیرے کی پائیدار ثابت قدمی اور ماحولیاتی تحفظ کے عزم کی ایک زندہ علامت ہے۔”

گورنر کے مطابق، جوناتھن کی اس تاریخی اہمیت کو مدنظر رکھتے ہوئے اس کا مسکن گورنر ہاؤس (پلانٹیشن ہاؤس) کے احاطے میں بنایا گیا ہے، اور وہ بلاشبہ اس جزیرے کی سب سے نمایاں پہچان بن چکا ہے۔جوناتھن کی دیکھ بھال کرنے والے عملے کے مطابق، اسے پیار سے ‘جونو’ بھی پکارا جاتا ہے۔ عمر رسیدگی کے باعث اب وہ اپنی بینائی اور سونگھنے کی حس کھو چکا ہے، لیکن اس کے باوجود اس کی قوتِ مدافعت اور زندگی کی رمق برقرار ہے۔ وہ اب بھی روزانہ باقاعدگی سے اپنی پسندیدہ غذا کھاتا ہے، دھوپ سینکتا ہے اور افزائشِ نسل کے لیے ملاپ کی سرگرمیوں میں حصہ لیتا ہے۔گنیز ورلڈ ریکارڈز نے اب جوناتھن کو دنیا کے چند منتخب ریکارڈ ہولڈرز کے مخصوص گروہ میں شامل کرتے ہوئے باضابطہ طور پر ایک ‘آئیکون’ قرار دیا ہے۔ گنیز حکام کا کہنا ہے کہ یہ اعزاز ان نایاب ریکارڈ ہولڈرز کو دیا جاتا ہے جن کی کامیابیاں اور وجود دنیا بھر کے انسانوں کے لیے حیرت، تجسس اور ترغیب کا باعث بنتے ہیں۔

• یہ بھی پڑھیں

مرد سچے نہیں ہوتے ۔ سینئر اداکارہ عصمت زیدی