یکم نومبر سےپٹرول مزید 7 روپے مہنگا

عالمی مارکیٹ میں تیل کی قیمت بڑھنے اور روپے کی قدر میں کمی کے اثرات کے باعث یکم نومبر سے پٹرولیم مصنوعات مزید مہنگی ہونے کا خدشہ پیدا ہوگیا۔

ذرائع آئل مارکیٹنگ کمپنیز کے مطابق یکم نومبر سے پٹرول کی قیمت میں مزید 7 روپے اضافے کا تخمینہ ہے۔

ذرائع کے مطابق آئندہ ماہ کے آغاز میں ڈیزل کی قیمت میں 9 روپے فی لٹرتک بڑھنے کا خدشہ ہے۔

ذرائع کے مطابق اگلے 5 دن میں امپورٹ ہونے والا تیل قیمت کے اتار چڑھاؤ کا حتمی تعین کرے گا۔

یاد رہے کہ 15 اکتوبر کو پٹرول کی فی لیٹر قیمت 10 روپے 49 پیسے بڑھا دی گئی تھی جس کے بعد ایک لیٹر پیٹرول کی قیمت 137روپے79 پیسے ہوگیا ہے