سعودی ولی عہد اور امریکی صدر کا اہم رابطہ: خطے کی صورتحال اور امریکا ایران مذاکرات پر تفصیلی گفتگو

ریاض / واشنگٹن: سعودی عرب کے ولی عہد اور وزیر اعظم شہزادہ محمد بن سلمان اور امریکی صدر کے درمیان ایک اہم رابطہ ہوا ہے، جس میں مشرقِ وسطیٰ کی حالیہ صورتحال اور خطے کی سلامتی کے امور پر تبادلہ خیال کیا گیا۔

سعودی سرکاری خبر رساں ادارے کے مطابق، دونوں عالمی رہنماؤں کے درمیان ہونے والی اس گفتگو میں خطے کی مجموعی صورتحال کے علاوہ امریکا اور ایران کے درمیان جاری حالیہ مذاکرات اور ان کے اثرات پر خصوصی طور پر بات چیت کی گئی۔

تبادلہ خیال کے دوران سعودی ولی عہد شہزادہ محمد بن سلمان نے اس بات پر سخت زور دیا کہ خطے میں بحری سرگرمیوں، تجارتی جہازوں کی آمد و رفت اور سمندری راستوں کا تحفظ ہر صورت یقینی بنایا جائے تاکہ عالمی تجارت اور علاقائی امن برقرار رہ سکے۔

امریکی میڈیا رپورٹس کے مطابق، دونوں رہنماؤں کے درمیان یہ اہم سفارتی رابطہ گزشتہ روز (جمعے کو) ہوا، جسے موجودہ علاقائی کشیدگی کے تناظر میں انتہائی اہمیت کا حامل قرار دیا جا رہا ہے۔