ایشوریا رائے بچن کے پیرس فیشن ویک میں دلکش جلوے

بالی ووڈکی معروف اداکارہ ایشوریا رائے نے پیرس فیشن ویک میں لی ڈیفیلی لوریل پیرس  شو کے لیے ریمپ پر واک کر کے اپنے مداحوں کو خوش کر دیا۔

ایشوریا رائے نے لی ڈیفیلی لوریل پیرس کے چوتھے ایڈیشن کے لیے ریمپ پر واک کی جو کہ پیرس فیشن ویک کی میزبانی میں ہونے والا ایک آؤٹ ڈور شو تھا۔

https://youtu.be/LTCwRZkYZHE?list=RDCMUCpw3Qqw8wjWC2DHb6G6lnCA&t=3

اداکارہ نے بہت دلکش انداز میں سفید رنگ کا لباس پہنے ریمپ پر واک کرتے ہوئے شو میں انٹری دی تو شرکاء کی نظریں ان پر سے نہ ہٹ سکیں۔

ایشوریا رائے کا کھلے بالوں میں سفید رنگ کے لباس کے ساتھ گلابی رنگ کی لپ اسٹک کا انتخاب بہت شاندار لگ رہا تھا۔

خیال رہے کہ پیرس فیشن ویک میں شرکت کرنے کے لیے ایشوریا رائے کا تقریباََ دو سال کے بعد یہ پہلا بین الاقوامی سفر تھا اور پیرس کے اس دورے پر ان کے شوہر اور اداکار ابھیشیک بچن اور بیٹی آرادھیا بھی ان کے ساتھ موجود ہیں۔