0

شہباز گل کے بشیر میمن پر سنگین الزامات

وزیراعظم عمران خان کے معاون خصوصی شہباز گل نے سابق ڈی جی فیڈرل انویسٹی گیشن ایجنسی (ایف آئی اے) بشیر میمن پر سنگین الزامات لگادیے۔

ایک بیان میں شہباز گل نے الزام لگایا کہ بشیر میمن نے اپنی پوزیشن استعمال کر کے اپنا کارروبار بڑھایا۔

انہوں نے سابق ڈی جی ایف آئی اے کو مخاطب کرتے ہوئے استفسار کیا کہ کیا آپ کی 3 ملیں جنوبی وزیرستان میں ہیں؟

وزیراعظم کے معاون خصوصی نے مزید کہا کہ کیا آپ نے یہ 3 ملیں اس لیے لگائی ہوئی ہیں کہ آپ ٹیکس فری آئل منگوائیں؟

اُن کا کہنا تھا کہ اس حوالے سے میری بات حتمی نہیں ہیں یہ تحقیق طلب ہے۔

شہباز گل نے یہ بھی کہا کہ بشیر میمن صاحب کیا آپ نے اپنی پوزیشن استعمال کر کے اپنا کارروبار نہیں بڑھایا۔

انہوں نے کہا کہ سابق ڈی ایف آئی اے کو معلوم تھا کہ وزیراعظم عمران خان نے ٹیکس چوری پر ان پر ہاتھ ڈالنا ہے، جس سے بچنے کے لیے انہوں معاملے کو سیاسی رنگ دیا۔

یہ بھی دیکھیں

وزیراعظم کے معاون خصوصی نے کہا کہ بشیر میمن آپ جب وزیراعظم سے ملتے تھے تو اتنے جھک جاتے تھے کہ خدشہ ہوتا لیٹ ہی نہ جائیں۔

اُن کا کہنا تھا کہ بشیر میمن صاحب آپ جنید سلیم کے پاس آم لینے گئے تھے؟کیا آپ نے 20 سگریٹ نہیں پیے تھے۔

شہباز گل نے کہا کہ آپ نے انعام غنی کو ڈی جی ایف آئی لگانے کی مخالفت کرنے کا جنید سلیم سے نہیں کہا، جنید سلیم صاحب کی باتیں آن ریکارڈ ہیں۔

انہوں نے کہا کہ کیا آپ کو یہ فکر تھی کہ تمام کارنامے سامنے آجائیں گے؟


اس خبر پر اپنی رائے کا اظہار کریں

اپنا تبصرہ بھیجیں