0

دبئی کے حکمران شیخ محمد بن راشد المکتوم کی بیٹی شہزادی لطیفہ زندہ ہیں یا نہیں؟

متحدہ عرب امارات کے وزیراعظم اور دبئی کے حکمران شیخ محمد بن راشد المکتوم کی بیٹی شہزادی لطیفہ کی تصویر سامنے آگئی۔

شہزادی لطیفہ کی عوامی مقام پر خواتین کے ساتھ بیٹھنے کی تصویر ایسے وقت میں سامنے آئی ہے جب گزشتہ دنوں ہی اقوام متحدہ نے متحدہ عرب امارات سے شیخ محمد بن راشد المکتوم کی بیٹی شہزادی لطیفہ کے زندہ ہونے کے ٹھوس شواہد مانگے تھے۔

اب شہزادی لطیفہ کی دبئی کے ایک شاپنگ مال میں خواتین کے ساتھ تصویر سامنے آئی ہے۔

https://www.instagram.com/p/CPLfeTaB7Xq/?utm_source=ig_web_copy_link

غیرملکی خبررساں ادارے کی رپورٹ کے مطابق شہزادی کے ساتھ تصویر میں موجود ان کی ایک دوست کی جانب سے 2 دن پہلے یہ انسٹاگرام پر پوسٹ کی گئی ہے جس پر کیپشن دیا گیا کہ دبئی کے مال میں دوستوں کے ساتھ خوبصورت شام۔ تاہم تصویر کے حوالے سے تصدیق نہیں کی جاسکی ہے کہ یہ کب کھینچی گئی ہے۔

یال رہے کہ کچھ عرصہ قبل بھی اقوام متحدہ کی جانب سے شہزادی لطیفہ کے زندہ ہونے سے متعلق پوچھا گیا تھا جس پر اماراتی شاہی خاندان نے بیان دیا تھاکہ گھر پر شہزادی کی دیکھ بھال کی جارہی ہے۔

اس سے قبل شہزادی نے ویڈیو پیغامات میں الزام عائد کیا تھاکہ 2018 میں ملک چھوڑنے کی کوشش پر والد شیخ محمد بن راشد المکتوم نے قید کر رکھا ہے۔

اس بیان کے بعد عالمی برادری اور انسانی حقوق کی تنظیموں کی جانب سے تحقیقات کا مطالبہ کیا گیا تھا۔


اس خبر پر اپنی رائے کا اظہار کریں

اپنا تبصرہ بھیجیں