لاہور(سمیعزنیوز) لاہورمیں ہونے والے کلب کرکٹ میچ کے دوران ایک کھلاڑی وقاص خالد کا حرکت قلب بند ہو جانے کے باعث انتقال ہوگیا۔

مغل پورہ وائٹس کلب کے صدر خورشید احمد کے مطابق وقاص خالد آؤٹ ہونے کے بعد گراؤنڈ سے باہر بیٹھے ہوئے تھے کہ اچانک طبعیت خراب ہوئی اور وہ گر گئے۔

ان کا کہنا تھا کہ وقاص کو فوری طور پر ابتدائی طبی امداد پہنچائی گئی، لیکن ہارٹ اٹیک کے باعث ان کا انتقال ہوگیا تھا۔

https://www.samisnews.com/%d8%b3%d9%85%db%8c%d8%b9%d8%b2%d9%86%db%8c%d9%88%d8%b2-%d9%85%d8%ad%d9%85%d8%af-%d8%b1%d8%b6%d9%88%d8%a7%d9%86-%d8%a8%d9%86%da%af%d9%84%db%81-%d8%af%db%8c%d8%b4-%d8%ac%d8%a7%d8%aa%db%92-%db%81%d9%88/

یہ واقعہ سنٹرل پنجاب انٹر کلب کرکٹ چیمپئن شپ میں مغل پورہ وائٹس اور باغبانپورہ ایگلز کی ٹیموں کے درمیان کھیلے گئے میچ میں پیش آیا، جس کے بعد میچ روک دیا گیا۔

https://www.samisnews.com/%d8%b3%d9%85%db%8c%d8%b9%d8%b2%d9%86%db%8c%d9%88%d8%b2-%d9%82%d9%88%d9%85%db%8c-%d9%b9%db%8c%d9%85-%d8%a7%d9%93%d8%ac-%d8%a8%d9%86%da%af%d9%84%d8%a7%d8%af%db%8c%d8%b4-%d9%85%db%8c%da%ba-%d8%ac/

https://youtu.be/FK1jBvy73CQ

اسپتال سے ڈسچارج ہونے کے بعد سابق کپتان قومی کرکٹ ٹیم انضمام الحق کا پہلا بیان سامنے آگیا جس میں انہوں نے دعائیں کرنے پر سب کا شکریہ ادا کیا۔

واضح رہے کہ انضمام الحق کو دل میں تکلیف کے باعث فوری طور پر اسپتال منتقل کیا گیا تھا جہاں ان کی انجیوپلاسٹی ہوئی۔

بعدازاں انہیں اسپتال سے ڈسچارج کردیا گیا تھا جس کے بعد ان کا پہلا بیان سامنے آگیا۔

انضمام الحق کا کہنا تھا کہ سب لوگوں کا بہت شکریہ جنہوں نے میرے دعائیں کیں، دعاؤں کے وجہ سے اللّٰہ تعالیٰ نے مجھے صحت عطا فرمائی۔

انہوں نے کہا کہ ملکی و غیر ملکی کرکٹرز کمنٹیٹرز اور فینز کا شکریہ ادا کرتا ہوں جنہوں نے دعا کی اور پیغامات بھیجے۔

سابق کپتان انضمام الحق کا کہنا تھا کہ چیک اپ میں تاخیر مت کریں مجھے ڈاکٹرز نے کہا کہ اگر تاخیر کرتا تو زیادہ نقصان ہوسکتا تھا۔

اپنے لیے نیک تمناؤں کے پیغامات پر انہوں نے کہا کہ مجھے بہت اچھا لگا اس لیے سب کا شکریہ ادا کر رہا ہوں۔

ان کا کہنا تھا کہ میں نے پڑھا اور سنا کہ مجھے ہارٹ اٹیک ہو گیا ایسا نہیں ہے، معمول کے چیک اپ میں ڈاکٹرز نے مجھے انجیو پلاسٹی کا کہا، اس کے بعد مجھے اسٹنٹ ڈلوانے کا کہا گیا اللّٰہ نے تمام معاملات اچھے کیے اور 12 گھنٹے بعد میں گھر واپس آگیا۔

انضمام الحق نے کہا کہ میری صحت اچھی ہے، تاہم اب بھی دعاؤں کی درخواست ہے۔

انہوں نے فینز کو مشورہ دیا کہ جب بھی آپ کچھ محسوس کررہے ہوں تو ضرور چیک اپ کروائیں، میں معدے میں تکلیف کے بعد چیک اپ کروانے گیا تھا۔

قومی ٹیم کے سابق کپتان شاہد آفریدی نے وزیراعظم عمران خان کو آصف زرداری اور نوازشریف کا پیچھاچھوڑنے کا مشورہ دیدیا ہے ۔  شاہد آفریدی کا ویڈیو کلپ سوشل میڈیا پر تیزی کے ساتھ وائرل ہو رہاہے جس میں ان کا کہناتھا کہ عمران بھائی جب وزیراعظم نہیں تھے تب وہ جو بات کرتے تھے ساری قوم کھڑی ہوجاتی تھی اب وہ وضاحتیں بہت دیتے ہیں۔انہوں نے وزیراعظم عمران خان کو مشورہ دیتے ہوئے کہا کہ عمران بھائی کو چاہیے کہ اب وہ زرداری اور نواز شریف کو چھوڑدیں، 2 ڈھائی سال سے وہ جہاں جاتے ہیں ان ہی کے پیچھے پڑے رہتے ہیں۔ سابق کپتان کاکہنا تھا کہ کہیں بھی کوئی افتتاح کرتے ہوئے میں نے ان کو جب بھی سنا ہے وہ زرداری نواز شریف ہی کہتے ہیں، پچھلی حکومتوں نے جو کچھ کیا آپ اسے چھوڑدیں، یہ دیکھیں کہ آپ کیا کررہے ہیں، اللہ نے آپ کو موقع دیا ہے آپ کرکے دکھائیں اور آپ تبدیلی لے کر آئیں۔انہوں نے کہا کہ جس کے لیے ہم نے 2013 میں انہیں ووٹ دیا ہے وہ تبدیلی لے کر آئیں، جو پرانا پاکستان ہے اس کو ٹھیک کردیں۔

اگلے ماہ ہونے والے یورو کپ کے لیے غیر ملکی تماشائیوں کوبغیر ویزے سینٹ پیٹرس برگ آنے کی اجازت دی جائے گی۔

روس کی لوکل آرگنائزنگ کمیٹی کا کہنا ہے کہ صرف ان ملکوں کے تماشائیوں کو آنے کی اجازت ملے گی جن کے ساتھ پروازیں شروع کردی گئی ہیں۔

کمیٹی کے سی ای او کا کہناتھا کہ آنے والے تمام افراد کو ایس او پیز پر عمل کرنا ہوگا اور ان کا کووڈ ٹیسٹ بھی نیگٹو ہونا لازمی ہوگا۔

سینٹ پیٹرس برگ یورو کپ کے کوارٹر فائنل سمیت 7 میچز کی میزبانی کرے گا،جس میں 50 فیصد تماشائیوں کو آنے کی اجازت ہوگی۔

واضح رہے کہ یورو کپ ایک سال کے تعطل کے بعد اگلے ماہ کھیلا جائے گا۔

بنگلہ دیش نے سری لنکا کے خلاف پہلے ٹیسٹ کے دوسرے دن کھیل کے اختتام پر چاروکٹوں کے نقصان پر 474 رنز بنالیے ہیں۔

بنگلہ دیش کے بلے باز ٹیسٹ میچ کے پہلے دو دن سری لنکا کے باؤلرز پر حاوی رہے اور ان کے ہر منصوبے کا ناکام بنایا۔کھیل کے پہلے روز بنگلہ دیش کی پہلی وکٹ جلد ہی گر گئی جب سیف حسن فرنینڈو کی گیند پر آؤٹ ہوگئے مگر اس کے بعد آنے والے تمام بلے بازوں نے کامیابی کے ساتھ سری لنکن باؤلرز کا مقابلہ کیا۔بنگلہ دیش کی جانب سے نجم الحسین 163، مومن الحق 127، تمیم اقبال 90رنز بناکر آؤٹ ہوئے۔اس وقت مشفیق الرحیم 43اورلٹن داس 25 رنز بناکر کریز پر موجود ہیں۔سری لنکا کی جانب سے فرنینڈو نے دو جبکہ کمارا اور ڈی سلوا نے ایک ایک وکٹ حاصل کی۔بنگلہ دیش دو ٹیسٹ میچوں کی سیریز کے لیے سری لنکا میں موجود ہے

انڈین پریمئر لیگ میں شامل نیوزی لینڈ کرکٹ ٹیم کے کپتان کین ولیمسن اور آسٹریلوی کرکٹر ڈیوڈ وارنر نے ساتھی افغان کرکٹرز کے ہمراہ روز رکھ لیا۔

افغانستان کرکٹ ٹیم کے کپتان راشد خان نے ایک ویڈیو اپنے سوشل میڈیا اکاؤنٹس کی زینت بنائی ہے

آئی پی ایل کی ٹیم سن رائیزر حیدرآباد میں شامل افغان کرکٹرز راشد خان، محمد نبی و دیگر ماہِ صیام میں روزے رکھ رہے ہیں ایسے میں کیوی کپتان اور آسٹریلوی کھلاڑی نے بھی ان کے ساتھ روزہ رکھا۔

افطار کے وقت بنائی گئی ویڈیو میں ڈیوڈ وارنر کہتے ہیں کہ ان کا دن اچھا تھا لیکن انہیں شدید پیاس لگی اور ان کا حلق بھی بالکل خشک ہوگیا ہے۔

راشد خان کین ولیمسن سے روزے کی کیفیت کے بارے میں پوچھتے ہیں جس پر وہ خوشی کا اظہار کرتےہوئے کہتے ہیں کہ انہیں بہت اچھا لگا۔

راشد خان نے یہ ویڈیو شیئر کرتے ہوئے لکھا کہ ’ان دونوں لیجنڈز نے آج ہمارے ساتھ روزہ رکھا، ان کے ساتھ افطار کر کے مزہ آیا

شارجہ میں کھیلے جانے والے پاکستان اور بھارت کے میچ میں جاوید میاں داد کے یادگار چکھے کو کو پینتیس برس گزر گئے ہیں ۔

پینتیس برس پہلے آج ہی کے دن جاوید میاں داد کے تاریخی چھکے نے بھارتیوں کے دل دہلا دیے تھے۔

 شارجہ میں بھارت کی تاریخی شکست بھارتی آج بھی نہیں بھول پائے۔