اسٹیٹ بینک آف پاکستان کا کہنا ہے کہ رواں مالی سال کے 10 ماہ میں نجی شعبے میں بیرونی سرمایہ کاری 40 فیصد کم ہوئی۔

مرکزی بینک (اسٹیٹ بینک آف پاکستان) کی جانب سے جاری کیئے گئے ایک اعلامیئے میں بتایا گیا ہے کہ اپریل میں 2 ارب 61 کروڑ ڈالر کی بیرونی سرمایہ کاری ہوئی۔

اسٹیٹ بینک کے مطابق ملکی سرکاری شعبے میں 2 ارب 46 کروڑ ڈالر کی سرمایہ کاری ہوئی، جبکہ نجی شعبے میں اپریل میں 14 کروڑ ڈالر کی بیرونی سرمایہ کاری ہوئی۔

اسٹیٹ بینک کے اعلامیئے کے مطابق جولائی سے اپریل کے دوران براہِ راست سرمایہ کاری 32 فیصد کم ہو کر 1 اعشاریہ 55 ارب ڈالر رہی۔

اسٹیٹ بینک نے مزید بتایاہے کہ اسٹاک مارکیٹ سے گزشتہ 10 ماہ میں 28 کروڑ ڈالر کی سرمایہ کاری نکالی گئی، جبکہ اس عرصے میں سرکاری شعبے میں 2 ارب 46 کروڑ ڈالر کی سرمایہ کاری ہوئی۔

ا سٹیٹ بینک کے اعلامیئے میں یہ بھی کہا گیا ہے کہ رواں مالی سال 10 ماہ میں بیرونی سرمایہ کاری کا حجم 3 ارب 73 کروڑ ڈالر رہا۔

معروف عالم دین اور مبلغ مولانا طارق جمیل نے برانڈ کے بعد ایمبولینس سروس کا آغاز کردیا ہے ۔

تفصیلات کے مطابق انسٹاگرام پر ایم ٹی جے فاونڈیشن کے پیج پر ایمبولنس سروس کی مختلف تصاویر شیئر کرتے ہوئے سروس شروع کرنے کا اعلان کیا گیا ہے۔ انسٹاگرام پر وائرل تصاویر میں مولانا طارق جمیل کو بھی ایمبولینس سروس کا دورہ کرتے ہوئے دیکھا جاسکتا ہے۔

https://www.instagram.com/p/CPF9IB_hR7g/?utm_source=ig_web_copy_link

فاونڈیشن کی جانب سے شیئر کی گئی پوسٹ میں ان افراد کا بھی شکریہ اداکیا گیا ہے جنہوں نے ضرورت مندوں کے لیے ایمبولینس سروس کی فراہمی میں تعاون کیا۔خیال رہے کہ اس سے قبل مولانا طارق جمیل کی جانب سے برانڈ بھی لانچ کی جاچکی ہے۔ برانڈ لانچنگ کے حوالے سے مولانا طارق جمیل کا کہنا تھا کہ وہ یہ برانڈ کسی کاروباری نیت یا کسی کے مقابلے میں لانچ نہیں کر رہے بلکہ مدارس کو پاوں پر کھڑا کرنے کیلئے ایسا کیا جارہا ہے۔

جام پور ڈیرہ چونگی شیرو روڈ پر قائم یوٹیلٹی سٹور پر لوگوں کا بے انتہا رش عوام کی لمبی لائنیں ھائی کورٹ کے احکامات ھوا میں آڑے دیئے کوروناوائرس ایس او پیز کی سنگین خلاف ورزی کوروناوائرس ایس او پیز کو مکمل نظر انداز کر دیا گیا

جام پور شہر میں کورونا کوروناوائرس پہلے ھی تیزی سے پھیل رھا ھے کئی اموات ھو چکی ھیں اور اس وقت کوروناوائرس کے 43 مصدقہ کیس بھی بتائے جا رھے ھیں مگر عوام کی طرف کورونا وبا کو سیریس نہیں لیا جا رھا انتظامیہ کی طرف سے کئی دوکانوں کو سیل اور کئی دوکانداروں کو جرمانے بھی کیئے گئے عوامی آگاہی کیلئے اسٹنٹ کمشنر جام پور نے عوام میں فری فیس ماسک بھی تقسیم کئے اور کئی دوسرے افراد اور انٹر نیشنل ہیومن رائٹس موومنٹ کی طرف سے فیض الحسن گدارہ صاحب بھی فری ماسک تقسیم اور آگاہی مہم چلا رھے ھیں مگر دوسری طرف عوام تمام ایس او پیز کو نظرانداز کر رھے ھیں خدارا احیتاط کریں حکومت کی طرف سے طے کردہ ایس او پیز پر مکمل عمل کریں

کراچی کے تاجروں نے مشترکہ طور پر مطالبہ کیا ہے کہ ہفتے میں دو روزہ تعطیل ختم کی جائے  اور عید کی خریداری کے  لیے بازاروں کے اوقات رات دو بجے تک بڑھائے جائیں، اگر ہمارے جائز مطالبات تسلیم نہ کیے گئے تو پھربھرپور احتجاج کریں گے۔کریم سینٹر صدر میں احتجاجی مظاہرےسمال ٹریڈرز کے صدر محمود حامد،کریم سنٹر ایسوسی ایشن کے صدر محمد اسلم قریشی، کراچی کنفیکشنری  ایسوسی ایشن کے جاوید حاجی عبداللہ،سپورٹس مارکیٹ کے صدر سلیم ملک،سمال ٹریڈرز کے جنرل سیکرٹری عثمان شریف،صدر الائنس کے رہنما عبدالصمد، لیاقت آباد ٹریڈرا الائنس کے بابر خان بنگش،اقبال یوسف،محمد ربان اور دیگر رہنماؤں نے خطاب کرتے ہوئے حکومت سے مطالبہ کیا ہے کہ مارکیٹوں کی دو روز کی چھٹی فوری طور پر ختم کی جائے اور 12 رمضان المبارک کے بعد کراچی میں ریٹیل مارکیٹیں رات دو بجے تک کھولنے کی اجازت دی جائے تاکہ عوام باآسانی عیدالفطر کی خریداری کر سکیں۔انہوں نے مطالبہ کیا کہ حکومت  سندھ کورونا وائرس اور لاک ڈاؤن کے مسئلے پر فوری طور پر کراچی چیمبر آف کامرس کو اعتماد میں لے اور مارکیٹوں سے متعلق تمام فیصلے چیمبر کی مشاورت سے کئے جائیں۔ تاجر رہنماوں کا کہنا تھا  کہ گذشتہ رمضان میں لاک ڈاؤن میں مارکیٹیں بند رہیں، جس کی وجہ سے تاجروں کو بھاری مالی نقصان برداشت کرنا پڑا،آج بھی مارکیٹوں کے اوقات کم کرنے اور ہفتہ وار دو دن کی تعطیل کی وجہ سے  کاروباری سرگرمیاں شدید متاثر ہیں،حکومت کا کورونا کے باوجود بڑے شاپنگ سینٹرز کھلے اور مارکیٹیں بند رکھنے کا فیصلہ ناقابل فہم ہے،رمضان المبارک اور عیدالفطر کی خرید وفروخت کے لیے تاجروں نے  اربوں روپے کی سرمایہ کاری کی ہوئی ہے،گارمنٹس، بچوں کے کھلونے،خواتین کے استعمال کی مصنوعات، کاسمیٹیکس کے آئٹم،ٹیلرنگ ورک،کھلونے،جوتے، گھریلو آرائش اور دیگر  اشیاء کی خریدوفروخت رمضان کے مہینے میں ہوتی ہے، اگر ان کی فروخت کے لئے مناسب وقت نہ دیا گیا اور  مارکیٹوں کو رات کے اوقات میں دو بجے تک کھولنے کی اجازت نہیں دی گئی تو تاجر دیوالیہ ہو جائیں گے تاجر برادری نے کہا کہ کورونا کی مہلک وبا سے حکومت اور تاجروں کو مل کر ہی مقابلہ کرنا پڑے گا ،اسی لیے ہم مارکیٹوں کو ایس او پیز کی پابندی کے ساتھ کھولنا چاہتے ہیں،اگر حکومت نے ہمارے مطالبات  تسلیم نہ کیے  تو پھر مجبوراً ہمیں احتجاج کا راستہ اختیار کرنا پڑے گا، سندھ حکومت تاجروں کو دیوار سے نہ لگائے۔

پاکستان اسٹاک ایکسچینج (پی ایس ایک) میں جمعرات کو کاروبار کا منفی دن رہا۔

100 انڈیکس 376 پوائنٹس کم ہوکر 44 ہزار 929 پر بند ہوا ہے۔ کاروباری دن میں انڈیکس 611 پوائنٹس کے بینڈ میں رہا۔

شیئر بازار میں آج 32 کروڑ شیئرز کے سودے ہوئے جن کی مالیت 15 ارب روپے سے زائد رہی۔

پی ایس ایکس کی مارکیٹ کیپٹلائزیشن 65 ارب روپے کم ہوکر 7 ہزار 834 ارب روپے ہے۔

ملکی مبادلہ منڈیوں میں جمعرات کو بھی ڈالر کی قدر میں اضافے کا رجحان رہا۔

انٹربینک تبادلہ مارکیٹ میں ڈالر کی قدر 22 پیسے اضافے سے 153 روپے 46 پیسے ہے۔

اوپن مارکیٹ میں ڈالر کی قدر 20 پیسے اضافے سے 153 روپے 80 پیسے ہے

سعودی عرب ایئر لائنز نے کہا ہے کہ 17 مئی سے بین الاقوامی پروازیں دوبارہ شروع کرنے کا فیصلہ 20 ممالک پر لاگو نہیں ہوتا۔

کورونا کے سبب سعودی عرب نے 3 فروری سے سفری پابندی عائد کی تھی۔

واضح رہے کہ پابندی کا سامنا کرنے والے ممالک میں پاکستان اور بھارت بھی شامل ہیں۔

اسلام آباد ڈپٹی گورنر سٹیٹ بینک سیما کامل  نے کہا ہےکہ اسوقت تمام بینک تین مختلف قسموں کے قرض فراہم کررہے ہیں۔

جیو نیوز سے گفتگو کرتے ہوئے ان کا کہنا تھا کہ قرض لینے کے خواہش مند افراد کے لیے شناختی کارڈ،دو فوٹوز،سیلری سلپ یا اخراجات کی تفصیل ہونا ضروری ہے ہر شہری کی درخواست کو  بینک کے لیے ایک ماہ میں مکمل کرنا ضروری ہوگا۔ہر درخواست کی سٹیٹ بینک خود نگرانی کررہا ہے ہمارے دو ٹارگٹس ہیں ایک ہاؤسنگ اور کنسٹرکشن کا ٹارگٹ ہے جسے ہم نے پانچ فیصد تک لیکر جانا ہے۔ہم اسوقت ٹارگٹ کے مطابق چل رہے ہیں۔مورگیج کے حوالے سے بھی پیش رفت جاری ہے۔بینک 15بلین سے زائد کے مورگیج کے قرضے جاری کئیے ہیں۔اب تمام شرائط آسان کردی گئی ہیں۔ شہروں میں رہنے والے افراد کے لیے اب قرضے کی لمٹ کو بڑھایا گیا ہے۔ہم چھوٹا کاروبار کرنے والے افراد کے لئے بھی شرائط کو آسان بنارہے ہیں،جو آمدن نہیں بناسکتا اس کو اپنے اخراجات بتانے ہونگے۔ہر ہفتے مورگیج  کی مد میں ڈیڑھ بلین کے قرضے دئیے جارہے ہیں۔لوگوں کی آسانی کے لیے کال سینٹر کھول رہے ہیں جو روزانہ 5ہزار کال ریسیو کرے گا جبکہ اس کے ساتھ ساتھ ہمارا کمپلینٹ سیل بھی چل رہا ہے

لاہور ہائیکورٹ نے رمضان بازاروں میں چینی کیلئے قطاروں کے حوالے سے کیس کی سماعت 28 اپریل تک ملتوی کر دی ہے اور بہتر حکمت عملی کیلئے سیکریٹریز کو مہلت دیدی ہے تفصیلات کے مطابق عدالت نے ریمارکس دیتے ہوئے کہا کہ آپ کواپنی مرضی کے مطابق ریٹ اورچینی دینے کاحکم بھی دیاگیا،عام مارکیٹ میں چینی کی دستیابی کویقینی بنایا؟سرکاری وکیل نے دلائل دیتے ہوئے کہا کہ یہ المیہ ہے جب کہیں سیل لگتی ہے توقطاریں بھی لگتی ہیں۔عدالت نے یورپ میں لگنے والی سیل اوررمضان بازاروں کی قطاروںکے موازنے پرلاافسرکی سرزنش کر دی اور کہا کہ یورپ میں جوسیل لگتی ہے کیاوہ بنیادی ضرورت ہے؟یورپ کی سیل کیساتھ رمضان بازارکی لائنوں کاموازنہ نہ کریں،چینی کے مسئلے کویورپ کی سیل کے کیساتھ نہ جوڑاجائے،چینی بنیادی ضرورت ہے،لوگوں کوکیوں بھکاری بنایاجارہاہے ،مسئلہ صرف آپ کی گورننس کاہے۔عدالت نے ریمارکس دیتے ہوئے کہا کہ بنیادی حقوق کی خلاف ورزی کی جارہی ہے سرکاری وکیل نے کہا کہ شوگرمالکان نے حکومت کوچینی دینابندکردی ہے ،عدالت شوگرملزمالکان سے پوچھے چینی ریٹیل پرکیوں دے رہے ہیں؟عدالت نے کہا کہ یہ شوگرملزمالکان کی مرضی ہے،عدالت نہیں پوچھ سکتی

جام پور میں چینی مافیا چھا گیا کہیں بھی سرکاری ریٹ پر چینی دستیاب نہیں سرکاری چینی کو بلیک پر فروخت کرنے کا انکشاف رمضان المبارک میں حکومت کی طرف سے لگائے گئے رمضان بازار کا کوئی بھی فائدہ نہ ہے صرف مخصوص لوگوں کو نوازا جارھا ھے کروانا وائرس کی خطر ناک تیسری لہر میں ایس او پیز کی دھجیاں اڑا دیں کوئی سماجی فاصلہ نہ ہے انتظامیہ کے لیے سوالیہ نشان ہے روزے کی حالت میں عوام شدید گرمی میں لائن لگی ہوئی ہے جن کو مایوسی کے سوا کچھ نہیں ملتا اور مہنگے داموں میں چینی خرید کر رہے ہیں چینی من مانےاور بڑے دوکانداروں کو ان کی دوکانوں پر (4100روپے میں جبکہ بلیک مارکیٹ وہی سرکاری سبسڈی یافتہ چینی 4800 روپے سے 5000 تک بیچی جارھی ھے انتظامیہ کی خاموشی سمجھ سے بالاتر ھے اور انتظامیہ چھوٹے دوکانداروں کو ریلیف دینے میں ناکام ھے عوام کو سستی چینی فراہم کرنے میں ناکامی پر انتظامیہ چھوٹے دوکانداروں کو جرمانے کرنے لگی جبکہ چینی چوروں اور بلیک مارکیٹ میں فروخت کرنے والے ڈیلروں کو اپنے آفس میں چائے کے ساتھ بسکٹ بھی پیش کرنے پر بضد عوام کا ڈپٹی کمشنر راجن پور احمر نائیک سے پرزور مطالبہ ھے کہ ان کرپٹ چینی چور مافیاز کے خلاف بلا امتیاز کاروائی کر عوام کو رمضان شریف میں تو سستی چینی فراہم کی جائے