نیو یارک کے میئر ظہران ممدانی نے کہا ہے کہ اگر انھیں شاہ چارلس سے بات چیت کا موقع ملتا تو وہ ان سے کہتے کہ کوہِ نور ہیرا واپس کر دیں۔

شاہ چارلس کی بعد میں میئر ممدانی سے گفتگو بھی ہوئی لیکن اس گفتگو میں کیا بات ہوئی؟ اس پر برطانوی شاہی محل نے تبصرہ کرنے سے انکار کیا ہے۔ 

ممدانی کے دفتر نے بھی نہیں بتایا کہ ممدانی کی شاہ چارلس سے کیا بات ہوئی۔

اس سے پہلے بھارت کئی بار برطانیہ سے مطالبہ کر چکا ہے کہ وہ کوہ نور ہیرا بھارت کو دے دے۔ 

یہ ہیرا مسلمان بادشاہوں کی ملکیت میں رہا جس کے بعد آخر میں یہ پنجاب کے حکمراں رنجیت سنگھ کے تسلط میں رہا۔

 1849 میں پنجاب پر قبضے کے بعد انگریز گورنر جنرل نے سن 1850 میں کوہ نور ہیرا ملکہ وکٹوریہ کو تحفے میں دے دیا، تب سے یہ ہیرا برطانوی شاہ کے تاج میں جڑا ہوا ہے۔

اسرائیلی بمباری سے ایران میں ہونے والی اموات ضمنی نقصان ہیں۔رضا پہلوی

ایران پر حملوں میں 3 ہزار 400 افراد شہید جبکہ ہزاروں زخمی ہوئے۔

صرف پہلے دن ایران کے میناب اسکول پر بمباری کے نتیجے میں 168 کمسن بچے شہید ہوئے تھے۔

معزول ایرانی شاہ کے بیٹے رضا پہلوی نے کہا ہے کہ امریکا اور اسرائیلی بمباری سے ایران میں ہونے والی اموات ضمنی نقصان ہیں۔

غیرملکی میڈیا کے مطابق رضا پہلوی نے کہا ہے کہ زیادہ تر اموات ایرانی حکومتی عناصر کی ہوئی ہیں۔

دوسری جانب ایران پر حملوں میں 3 ہزار 400 افراد شہید جبکہ ہزاروں زخمی ہوئے۔

عالمی میڈیا کے مطابق صرف پہلے دن ایران کے میناب اسکول پر بمباری کے نتیجے میں 168 کمسن بچے شہید ہوئے تھے۔

یہ بھی پڑھیں

ہم سب ایرانی اور انقلابی ہیںجارح کو پچھتانے پر مجبور کر دیں گے،قالیباف، پزشکیان

وفاقی حکومت نے پیٹرول پر لیوی میں 26 روپے 77 پیسے فی لیٹر اضافہ کردیا

ڈیزل کی قیمت میں بھی 26 روپے 77 پیسے اضافہ کیا ہے

جبکہ مٹی کا تیل 63 روپے 60 پیسے فی لیٹر سستا کر دیا گیا ہے

وفاقی حکومت نے پیٹرول پر لیوی میں اضافہ کر دیا ہے۔

ذرائع پیٹرولیم ڈویژن کے مطابق پیٹرول پر لیوی 26 روپے 77 پیسے فی لیٹر بڑھا دی گئی۔

پیٹرول پر لیوی 107 روپے 38 پیسے فی لیٹر کی گئی ہے۔

واضح رہے کہ پیٹرولیم ڈویژن نے ایک ہفتے کےلیے پیٹرول اور ڈیزل کی قیمت میں اضافے کا اعلان کیا ہے۔

پیٹرولیم ڈویژن کے نوٹیفکیشن کے مطابق پیٹرول کی نئی قیمت 393 روپے 35 پیسے ہوگئی۔

ڈیزل کی قیمت میں بھی 26 روپے 77 پیسے اضافہ کیا ہے، نئی قیمت 380 روپے 19 پیسے فی لیٹر مقرر کی گئی ہے۔

مٹی کا تیل 63 روپے 60 پیسے فی لیٹر سستا کر دیا گیا ہے، مٹی کے تیل کی نئی قیمت 365 روپے 21 پیسے فی لیٹر کر دی گئی ہے۔

امریکا نے 2024 میں اس جہاز پر اس الزام کے تحت پابندی لگائی تھی کہ اس نے ایران سے چین کو تیل پہنچایا ہے۔

امریکی پابندیوں کا شکار کیوبا کا سپر آئل ٹینکر آبنائے ہُرمُز کراس کرگیا۔

 امریکا نے 2024 میں اس جہاز پر اس الزام کے تحت پابندی لگائی تھی کہ اس نے ایران سے چین کو تیل پہنچایا ہے۔

مہر نیوز ایجنسی کے مطابق اب یہ جہاز لارک جزیرے پر لنگرانداز ہے۔

عرب ٹی وی الجزیرہ کے مطابق پچھلے 24 گھنٹوں میں 5 بحری جہازوں نے آبنائے ہُرمُز عبور کی ہے۔ ان میں سے ایک جہاز ایرانی آئل پروڈکٹس کا تھا۔

اسی دوران سینٹ کام نے دعویٰ کیا ہے کہ پچھلے 24 گھنٹوں میں امریکی فوج نے 34 بحری جہازوں کو واپس مُڑنے پر مجبور کیا ہے 

 آبنائے ہرمز کو ایک بار پھر عالمی توجہ کا مرکز 

ایرانی بندرگاہوں کے خلاف بحری ناکہ بندی کے بعد ایران نے تمام غیر ملکی جہازوں پر سختی بڑھا دی ہے۔

ایران اور امریکا کے درمیان بڑھتی ہوئی کشیدگی

الجزیرہ کے مطابق ایران نے 22 اپریل کو 2 غیر ملکی کنٹینر جہازوں کو قبضے میں لے لیا تھا جبکہ ایک اور جہاز پر فائرنگ کی گئی تھی، اس سے قبل امریکا نے بھی ایک ایرانی جہاز کو روک کر قبضے میں لیا تھا جسے ایران نے ’سمندری قزاقی‘ قرار دیا تھا۔

الجزیرہ نے اپنی رپورٹ میں دعویٰ کیا ہے کہ آبنائے ہرمز اب عملی طور پر دونوں ممالک کے کنٹرول میں آ چکی ہے مگر ایران اس پر مؤثر انداز میں قابض ہے، ایران نے مارچ کے آغاز میں اس گزرگاہ پر پابندیاں عائد کرتے ہوئے کہا تھا کہ صرف اس کی اجازت سے ہی آبنائے ہرمز سے جہاز گزر سکتے ہیں۔

رپورٹ کے مطابق ابتدائی طور پر ایران نے صرف ’دشمن ممالک‘ کے جہازوں پر پابندی لگائی تھی تاہم امریکا کی جانب سے 13 اپریل کو ایرانی بندرگاہوں کے خلاف بحری ناکہ بندی کے بعد ایران نے تمام غیر ملکی جہازوں پر سختی بڑھا دی ہے۔

امریکا کا دعویٰ ہے کہ اس نے اب تک 31 ایرانی یا ایران سے منسلک جہازوں کو راستہ بدلنے پر مجبور کیا ہے جبکہ دوسری جانب ایران نے مؤقف اختیار کیا ہے کہ جب تک اس کی تیل برآمدات پر پابندیاں ختم نہیں ہوتیں، آبنائے ہرمز میں آزادانہ نقل و حرکت ممکن نہیں۔

الجزیرہ کی رپورٹ میں شائع کی گئی ماہرین کی رائے کے مطابق دونوں ممالک کے درمیان یہ صورتِ حال ’جوابی کارروائی‘ کا سلسلہ بن چکی ہے جس میں ہر قدم مزید تصادم کا خطرہ بڑھا رہا ہے، کسی بھی وقت یہ کشیدگی بڑے بحران میں تبدیل ہو سکتی ہے۔

یاد رہے کہ حالیہ تنازع کے باوجود ایران کی تیل کی برآمدات میں اضافہ ہوا ہے اور گزشتہ 1 ماہ میں اسے تقریباً 4.97 ارب ڈالرز آمدن حاصل ہوئی ہے جو جنگ سے پہلے کے مقابلے میں 40 فیصد زیادہ ہے۔

بین الاقوامی میڈیا رپورٹس کے مطابق مبصرین کا کہنا ہے کہ موجودہ صورتِ حال ایک ’خطرناک کھیل‘ کی مانند ہے جہاں دونوں فریق پیچھے ہٹنے کو تیار نہیں اور یہی طرزِ عمل عالمی امن اور معیشت کے لیے بڑا خطرہ بن سکتا ہے۔

بھارتی وزیرِ دفاع راج ناتھ سنگھ آبدوز میں گر کر پھنس گئے

بھارتی وزیرِ دفاع نے سب میرین میں داخل ہونے کی دوسری کوشش سے انکار کر دیا۔

اپنے 3  روزہ        دورے کے لیے جرمنی پہنچنے والے بھارتی وزیرِ دفاع راج ناتھ سنگھ سب میرین میں داخل ہوتے ہوئے پھنس گئے۔

اس لمحے کو کیمرے کی آنکھ نے محفوظ کر لیا اور اس کی ویڈیو دیکھتے ہی دیکھتے سوشل میڈیا کی زینت بن گئی۔

بھارتی وزیرِ دفاع نے جرمنی میں اپنے 3 روزہ دورے کے دوران آخری روز تھیسن کروپ میرین سسٹمز (ٹی کے ایم ایس) کے شپ یارڈ کا دورہ کیا، جہاں انہوں نے ٹائپ 212 آبدوز کا معائنہ کیا۔

اس موقع پر کمپنی حکام نے انہیں آبدوز کی تکنیکی صلاحیتوں سے آگاہ کیا اور بھارتی وزیر کو آبدوز کا اندرونی جائزہ لینے کی پیشکش کی۔

سوشل میڈیا پر وائرل ویڈیو میں دیکھا جا سکتا ہے کہ راج ناتھ سنگھ سب میرین میں داخل ہوتے ہوئے پھنس گئے اور آبدوزکے تنگ راستے کی وجہ سے گھبرا کر پھسل بھی گئے، بعد ازاں عملے نے انہیں کافی کوشش کے بعد باہر نکالا۔

Indian Defense Minister Rajnath Singh while trying to board a German Submarine during his official visit to Germany. pic.twitter.com/ibhbLlHLVm

— Pakistan Strategic Forum (@ForumStrategic) April 24, 2026

میڈیا رپورٹس کے مطابق بتایا جا رہا ہے کہ بھارتی وزیرِ دفاع نے سب میرین میں داخل ہونے کی دوسری کوشش سے انکار کر دیا۔

واضح رہے کہ بھارتی وزیرِ دفاع نے 21 سے 23 اپریل تک جرمنی کا 3 روزہ سرکاری دورے کیا ہے، اس دوران بھارت اور جرمنی کے درمیان دفاعی صنعتی تعاون کے روڈ میپ اور اقوامِ متحدہ کے امن مشنز کی تربیت میں تعاون کے لیے ایک عملی معاہدے پر دستخط اور تبادلہ کیا گیا۔

ایران میں نہ کوئی بنیاد پرست ہے نہ کوئی میانہ رو۔ہم سب ایرانی اور انقلابی ہیں اور رہبر معظم انقلاب کی مکمل پیروی کرتے ہیں

ایران کے صدر مسعود پزشکیان اور ایرانی پارلیمنٹ کے اسپیکر باقر قالیباف نے صدر ٹرمپ کے بیان پر مشترکہ ردعمل میں کہا ہے کہ ایران میں نہ کوئی بنیاد پرست ہے نہ کوئی میانہ رو۔

دونوں رہنماؤں کا کہنا ہے کہ ہم سب ایرانی اور انقلابی ہیں اور رہبر معظم انقلاب کی مکمل پیروی کرتے ہوئے جارح کو پچھتانے پر مجبور کردیں گے۔

ایرانی وزیرخارجہ عباس عراقچی نے کہا کہ میدان جنگ ہو یا سفارتکاری مکمل مربوط محاذ ہیں۔ ایرانی پہلے سے کہیں متحد ہیں۔

عباس عراقچی کا کہنا ہے کہ اسرائیل کی ناکامی ایران کےتمام ریاستی اداروں کے اتحاد، ایک مقصد اور نظم وضبط میں جھلکتی ہے۔

ایرانی عدلیہ کے سربراہ غلام حسین محسنی نے کہا کہ ایران کی تیز رفتار کشتیاں اور سمندری ڈرونز امریکی بحریہ کے جہازوں کو تباہ کرنے کے لیے انتظار کر رہے ہیں۔

انہوں نے کہا کہ امریکی آبنائے ہرمز تک پہنچنے کی ہمت بھی نہیں کرتے کیونکہ انہوں نے دیکھا ہے کہ ان کے انتہائی جدید سمجھے جانے والے جہازوں کے ساتھ کیا ہوا ہے۔

امریکی صدر ڈونلڈ ٹرمپ نے شہریت سے متعلق پوسٹ میں بھارت کو جہنم کا گڑھا اور بھارتیوں کو لیپ ٹاپ گینگسٹر قرار دے دیا۔

ڈونلڈ ٹرمپ کے بیان پر بھارتی تلملا اٹھے

انتہا پسند بی جے پی حکومت کا  ردِ عمل سامنے آیا، ترجمان صرف اتنا ہی کہہ سکے کہ اس بارے میں کچھ رپورٹس دیکھی ہیں اور بس وہ اتناہی کہیں گے۔ ،

سوشل میڈیا پر بھارتیوں نے مودی حکومت کو آڑے ہاتھوں لے لیا، منچلوں نے ٹرمپ کے ریمارکس کو زبوں حالی پر درست تبصرہ کہنا شروع کردیا۔

بھارتی اپوزیشن جماعت کانگریس نے ردِعمل دیتے ہوئے کہا کہ توقع نہیں نریندر مودی ٹرمپ کو جواب دینے کی جرات کریں گے، مودی ایک کمزور وزیراعظم ثابت ہوئے ہیں، خمیازہ پورا بھارت بھگت رہا ہے۔

جنگ بندی میں توسیع کے بعد آبنائے ہرمز میں تین مال بردار جہازوں پر حملے، ایران نے ’دو جہاز تحویل لے لیے‘

سمندری انٹیلی جنس فراہم کرنے والے ادارے وینگارڈ نے بی بی سی ویریفائی کو بتایا ہے کہ پانامہ کے پرچم بردار جہاز ایم ایس سی فرانسسکا کو ایران کے ساحل سے تقریباً چھ بحری میل کے فاصلے پر نشانہ بنایا گیا۔ اس وقت یہ آبنائے ہرمز سے جنوبی سمت میں خلیج عمان کی جانب جا رہا تھا۔ جہاز کی جانب سے ہل اور رہائشی حصے کو نقصان پہنچنے کی اطلاع دی گئی ہے۔

(تصویر سمعیز نیوز )

این ڈی ٹی وی کی رپورٹ کے مطابق ایران کی جانب سے اس راستے میں رکاوٹ یا پابندی نے عالمی سطح پر توانائی کی قیمتوں میں شدید اضافہ کیا، برینٹ خام تیل کی قیمت 110 ڈالرز فی بیرل سے بھی اوپر چلی گئی جبکہ شپنگ اور انشورنس کے اخراجات بھی بڑھ گئے۔

بین الاقوامی میڈیا رپورٹس کے مطابق امریکا اور اسرائیل کی ایران کے خلاف جنگ کے دوران اصل بحران آبنائے ہرمز کے بند ہونے سے پیدا ہوا جو دنیا کی 20 سے 25 فیصد تیل اور گیس کی ترسیل کا مرکزی راستہ ہے۔

اس آبنائے کے ذریعے سعودی عرب، متحدہ عرب امارات سمیت خطے کے کئی ممالک کا خام تیل اور گیس عالمی منڈیوں تک پہنچتا ہے۔

بھارتی میڈیا کے مطابق معاشی ماہرین کا کہنا ہے کہ اس صورتِ حال سے عالمی معیشت کو 330 ارب سے 2.2 کھرب ڈالر تک نقصان ہو سکتا ہے۔

رپورٹ میں عالمی مجموعی گھریلو پیداوار میں سالانہ بنیادوں پر تقریباً 2.9 فیصد کمی کا امکان بھی ظاہر کیا گیا ہے۔

رپورٹ میں کہا گیا ہے کہ ایران نے سمندری راستے سے گزرنے والے جہازوں پر دباؤ ڈال کر اور محدود کارروائیوں کے ذریعے اپنی پوزیشن مضبوط کی ہے جس سے عالمی توانائی مارکیٹ متاثر ہوئی اور سپلائی چین میں خلل پیدا ہوا۔

بھارتی میڈیا پر شائع ہونے والے ایک تجزیے میں کہا گیا ہے کہ ایران اور امریکا کے درمیان کشیدگی کے دوران ایران نے جوہری ہتھیار کے بجائے آبنائے ہرمز کو اپنا سب سے طاقت ور اسٹریٹیجک ہتھیار بنا لیا ہے جو عالمی توانائی کی تجارت کے لیے انتہائی اہم سمجھی جاتی ہے۔

امریکا نے ایران پر آبنائے ہرمز کھولنے کے لیے دباؤ ڈالا ہے جبکہ یورپی ممالک اور دیگر عالمی اداروں نے بھی اس اہم سمندری راستے کو کھلا رکھنے کا مطالبہ کیا ہے۔

دوسری جانب ایران کا مؤقف ہے کہ یہ علاقہ اس کی خودمختاری میں آتا ہے اور وہ اپنے قانونی حق سے دستبردار نہیں ہو گا۔

اسی صورتِ حال کے تناظر میں پاکستان میں فریقین کے درمیان مزید مذاکرات بھی جاری ہیں جبکہ عالمی برادری بھی جنگ بندی اور کشیدگی میں کمی کی کوشش کر رہی ہے۔