تحریک انصاف کے ایم پی اے خرم لغاری کی جھگڑے کی وائرل ویڈیو، پولیس نے 2 مقدمات درج کرلیے لیکن کس کے خلاف؟
پاکستان تحریک انصاف (پی ٹی آئی) کے رکنِ پنجاب اسمبلی خرم لغاری کی جھگڑے کی ویڈیو وائرل ہونے کے بعد پولیس نے مخالف پارٹی کے خلاف دو مقدمات درج کرلیے۔
دو روز قبل خرم لغاری کی ایک ویڈیو وائرل ہوئی تھی جس کے بارے میں دعویٰ کیا گیا تھا کہ ان کی اپنے ہی دوستوں کے ساتھ ایک پارٹی کے دوران لڑائی ہوئی ہے۔ ویڈیو سامنے آنے کے بعد ملتان پولیس نے دو مقدمات درج کرلیے ۔
تحریک انصاف کے ایم پی اے خرم لغاری کی جھگڑے کی وائرل ویڈیو، پولیس نے 2 مقدمات درج کرلیے لیکن کس کے خلاف؟ pic.twitter.com/WiXp1wKnYG
— najeebbhashai (@najeebbhashani) November 7, 2021
ملتان پولیس کی جانب سے ایک مقدمہ تھانہ الپہ میں درج کیا گیا ہے۔ فرسٹ انفارمیشن رپورٹ (ایف آئی آر) کے مطابق بہاؤالدین زکریا یونیورسٹی کے مین گیٹ کے قریب ڈبل کیبن پر سوار ابوبکر آفریدی نے خرم خان لغاری کے بھائی عمر خان کی گاڑی کو ذاتی ناراضگی پر ہٹ کیا جس سے اپنی بچیوں کو چھوڑنے کے لیے آنے والا موٹر سائیکل سوار بچیوں سمیت گاڑیوں کی ذد میں آ گیا اور تینوں افرادشدید زخمی
ہو گئے
دوسرا مقدمہ ابو بکر آفریدی اور شیخ حمید کے خلاف درج کیا گیا ہے جس میں کہا گیا ہے کہ خرم لغاری نے دونوں ملزمان کو نشہ کرنے سے روکا تو انہوں نے ایم پی اے پر پستول تان لیا اور مارنا شروع کردیا۔ پولیس کا کہنا ہے کہ دونوں مقدمات کی میرٹ پر تحقیقات کی جا رہی
ہیں۔
