بھارتی رئیلٹی ٹی وی شو بگ باس کا حصہ رہنے والی اداکارہ  پوترا پونیا کا کہنا ہے کہ سدھارتھ شُکلا کی اچانک موت کے بعد اب شہناز گِل کو زندگی کی طرف واپس لوٹنے میں کچھ وقت لگے گا۔

ہارٹ اٹیک کے باعث اچانک دنیا چھوڑنے والے بھارتی اداکار اور بگ باس 13  کے فاتح سدھارتھ شکلا کی اچانک موت کے بعد سے ان کی قریبی دوست شہناز گِل اب تک منظرِ عام پر تو نہیں آئی ہیں لیکن پوترا نے ان کی صحت کے حوالے سے بتایا۔

اپنے حالیہ بیان میں پوترا نے کہا کہ شہناز کیلئے سدھارتھ کی موت کو تسلیم کرنا اب بھی بہت مشکل ہے۔ لیکن اب اسے زندگی کی طرف لوٹ آنا چاہیے اور سدھارتھ بھی یقیناً یہی چاہتا ہوگا۔

پوترا نے یہ بھی کہا کہ ابھی شہناز سے یہ پوچھنا کہ وہ کیسی ہیں ایک حماقت بھرا سوال ہے کیونکہ ہم سب ہی اس کی حالت سمجھ سکتے ہیں۔